Happy Dipvali And Happy New Year

Teacher's Day - 5th September

आचार्य देवो भव !!!

-----------------------------------------
गुरु भ्रम्हा गुरु विष्णु गुरु देवो महेश्वर: |
गुरु साक्षात परा भ्रम्हा तस्मेय श्री गुरु देव नम: ||

 3rd September
                         ત્રીજી સપ્ટેમ્બરના રોજ પ્રાર્થનામાં આચાર્ય શ્રીએ શાળામાં શિક્ષકદિનની ઉજવણી કરવાની વાત કરી. શ્રીમતી મૃગાબેને ડૉ. સર્વપલ્લી રાધાકૃષ્ણની જન્મજયંતી નિમિત્તે આખા ભારત દેશમાં ઉજવાતા શિક્ષક દિનની મહત્તા સમજાવી. બાળકોને જરૂરી સૂચનાઓ શ્રી નીલેશભાઈએ આપી અને નામ લખાવવા કહ્યું. બધાની નવાઈ વચ્ચે ૧૫ મિનીટ્સમાંજ બધા બાળકો તૈયાર થઇ ગયા.
                        નીચે મુજબ આયોજનો બનાવી બાળકોને આપી દેવામાં આવ્યા. ચાલો જોઈએ એક નમુનો...
                           

                             
                         




                        
                                         બસ આયોજન મળ્યા પછી તો જાણે એમને પાંખો મળી ગઈ અને સોનેરી સોમવાર ક્યારે આવે તેની રાહ જોવા લાગ્યા અને ખુબ તૈયારી કરવા લાગ્યા.
 5th september
                                   ઇંતેજારીનો અંત આવ્યો અને સોમવારનો સુરજ ઉગી ગયો. બાળકો સરસ તૈયાર થઇ શાળામાં આવી ગયા. જુઓ એક ઝલક

"એક દિવસના શિક્ષકો"

           સવારની સફાઈ-પ્રાર્થનાથી માંડી બપોરની રીસેસ સુધી બાળકોએ ખુબ સરસ રીતે આયોજનબદ્ધ રીતે શિક્ષણ કાર્ય અને સુઆયોજન બદ્ધ વહીવટ કર્યો. મધ્યાહનના સમય દરમ્યાન બાળકોએ હળવો નાસ્તો કર્યો. આજે તેવ્ ખુબ ખુબ ખુશ લાગતા હતાં. જુઓ તેમના મો પર છલકાતી ખુશી...
    

                     સાંજે ૪:૩૦ કલાક બાદ શાળાના પટાંગણમાં એક સભા રૂપે બધા ભેગા થયા. બધા બાળ શિક્ષકોએ પોતાના અભિપ્રાયો આપ્યા દરેક બાળકના મો પર એક જ વાત હતી "હવે ક્યારે આવશે બીજો શિક્ષક દિન...." અંતમાં મીનામંચ અંતર્ગત શ્રીમતી રીનાબેન તરફથી દરેક બાળકને એક એક ભેટ સ્વરૂપ ઇનામ આપવામાં આવ્યું.

                 આજે કશુક કર્યાનો આનંદ માણતા બધા છુટા પડ્યા.

શ્રાવણના અંતિમ સોમવારે તિથીભોજન

       સરસ્વતીનગર વિસ્તારની વતની અને શાળાની ભૂતપૂર્વ વિદ્યાર્થીની કુ. મીનાક્ષી રામસિંહ પરમારે શાળાના બાળકોને જમાડીને શ્રાવણના સોમવાર ઉજવવાનું નક્કી કર્યું.
       શાળાના બધા બાળકોએ તથા શિક્ષકગણે ભોજનનો આસ્વાદ માન્યો જેની કેટલીક બોલતી તસ્વીરો.

નીચેની પ્રથમ તસ્વીરમાં કુ. મીનાક્ષી બાળકોને જમાડતા નજરે પાડે છે અને બાજુની તસ્વીરમાં શાળાની શિક્ષિકા બહેન શ્રીમતી હરેશ્વરીબેન મીનાક્ષીની માતાજીની સાલ ઓઢાડી અભિવાદન કરતા નજરે પડે છે. શાળાને જરૂરી વસ્તુ લાવવા માટે ભેટ રૂપે શ્રી રામસિંહભાઈ તરફથી ૫૦૦ રૂ. ભેટ પણ આપવામાં આવી છે.
           તેમનો પરિવાર ખુબ ખુબ પ્રગતિ કરે તેવા શાળા પરિવાર તરફથી પ્રભુ પ્રાર્થના.

My letter to members of school family- Narendra Modi

મિત્રો,                             ગુજરાતની પ્રાથમિક શાળા પરિવારના સ્વજનોને મે એક પત્ર લખ્યો છે. આપણા સુધી એ લાગણી પહોચાડવા માટે બ્લોગ પર મુકું છું.
આભાર
 

સ્વાતંત્ર દિન નિમિત્તે મારો એક પ્રશ્નાર્થ???

                  નીચે થોડા પ્રશ્ન મુકેલ છે
                         વિચારો અને કહો.
                  મૂલ્યાંકન તમારે જ કરવાનું છે અને પોતાની જાતને નહિ જ છેતરો એનો અમને વિશ્વાસ છે.

• શું આપણે સાચા દેશભક્ત છીએ? તો કહો તમે ભારત માતાની પ્રતિમાના દર્શન ક્યારે અને ક્યાં કર્યા હતાં? 
• તમને નથી લાગતું કે દરેક ધર્મના લોકોમાં રાષ્ટ્ર પ્રત્યેની ભક્તિ જગાવે અને તે માટેની પોતાની ફરજોથી સભાન થાય તે માટે તે દરેક ધર્મના ધાર્મિક સ્થાનોએ "ભારતમાતા" ની પ્રતિમાનું પણ એક સ્થાન આગવું ફરજીયાત હોવું જોઈએ ?
• શું તમારા ઘરમાં કે પૂજા ખંડમાં "ભારતમાતા" ની ફોટો છે?
• તમારા મનમાં છેલ્લે ક્યારે દેશ માટે "કશું" કરવાની ભાવના જન્મી હતી? અને તે વિશે તમે શું કર્યું?
• દેશ માટે તમે શાની કુરબાની આપી શકો છો?
• તમારા કર્મક્ષેત્ર ધ્વારા તમે દેશની મદદ કઈ રીતે કરી શકો છો?
• દેશ માટે તમે આજે કોઈ પ્રતિજ્ઞા લો તો તમે શું પ્રતિજ્ઞા લો?

બાળ વૈજ્ઞાનિકોને મળેલ Inspire એવોર્ડ

                                Ministry Of Science And Technology, department Of Science And Technology, New Delhi દ્વારા Innovation Science Pursuit For Inspired Research (INSPIRE) પ્રોગ્રામ અંતર્ગત Scheme For Early Attraction Talent For Science (SEATS) નામની યોજના અમલમાં મુકવામાં આવી છે. તે મુજબ ૧૦ થી ૧૫ વર્ષની વયજૂથ ધરાવતા બાળકો માટે રૂ.૫૦૦૦/- નો એવોર્ડ આપવાની યોજના વર્ષ ૨૦૦૯-૨૦૧૦ થી ભારત સરકાર દ્વારા અમલમાં મુકવામાં આવેલ છે.

                               ગુજરાત રાજ્યમાં માન. અગ્રસચિવશ્રીના સીધા માર્ગદર્શન હેઠળ આ યોજનાનું અમલીકરણ થઇ રહ્યું છે. આ યોજનાનો લાભ ગુજરાતના બાળકોને વર્ષ ૨૦૧૦-૨૦૧૧ દરમ્યાન આપવા સારું ગત વર્ષે તમામ પ્રાથમિક/ માધમિક શાળાઓમાંથી નામ મંગાવવામાં આવેલ હતાં. આ આવેલ નામો ભારત સરકારને મોકલી આપવામાં આવેલ હતાં. જે અન્વયે તેમના તરફથી પ્રાથમિક શાળાઓ માટે પસંદગી થઈને ગુજરાત રાજ્યમાં કુલ ૧૧૭૯૭ Inspire એવોર્ડ મંજુર કરવામાં આવેલ છે.

                               આ સંદર્ભે આ શાળામાંથી ૨ બાળાઓ પસંદ થયેલ છે. જેમના નામ નીચે મુજબ છે.

1.  ક્રિષ્નાબેન રંગીતસિંહ પરમાર ધો-૬
2.  નીરૂબેન મનુભાઈ વાઘેલા ધો-૭

                                જીસીઈઆરટી ના માર્ગદર્શન અને પરીપત્ર (ક્રમાંક જીસીઇઆરટી/ વિજ્ઞાન/૨૦૧૧/૧૪૭૧૦-૬૨) મુજબ એવોર્ડના જે નાણા વિધાર્થીને આપવાના છે તે નાણા પૈકી ૫૦% નાણાનો ઉપયોગ વિજ્ઞાન પ્રદર્શન માટે મોડેલ્સ બનાવવા માટે કરવામાં આવશે. બાકીની રકમનો ઉપયોગ જીલ્લા કક્ષાના પ્રદર્શન સુધી ટ્રાવેલિંગ ખર્ચ માટે અને વિજ્ઞાન શિક્ષણ સંદર્ભેની પ્રવુત્તિ માટે કરવામાં આવશે. શાળામાં આ અંગેનું સંમતિપત્ર આ વિદ્યાર્થીઓના વાલી પાસેથી લેવામાં આવેલ છે.

"બન્ને બાળાઓને શાળા પરિવાર વતી ખુબ ખુબ અભિનંદન"

શું આપ એક જાગૃત વાલી છો?

                         ‘વાલી’ની ભૂમિકા અર્જુનરૂપી ‘વિદ્યાર્થી’ના શ્રીકૃષ્ણરૂપી ‘સારથી’ બનવાની છે. તમારે તો ભગવદ્ ગીતાનો ઉપદેશ જગતને આપવાનો છે, પ્રશ્ર પૂછવાનો નથી!
                  શું ખરેખર આપણે એક જાગૃત વાલી છીએ? ચાલો જાણીએ એક કસોટી ધ્વારા.
સૂચનાઓ:-

1. સમયમર્યાદા: ૨૦ મિનિટ, મહત્તમ સ્કોર: ૧૦૦
2. બધા જ પ્રશ્નો ફરજિયાત છે.
3. દરેક પ્રશ્નનો જવાબ તટસ્થતાથી આપવો.

૧. તમારા સંતાનનો રોલનંબર, વર્ગ, વર્ગ શિક્ષકનું નામ જાણો છો?
(એ) ના (બી) એક વિગત (સી) બે વિગતો (ડી) ત્રણેય વિગતો

૨. વર્ષ દરમિયાન લીધેલી શાળાની મુલાકાત
(એ) એકવાર પણ નહીં (બી) એકાદ વાર (સી) વાલી મીટીંગ/પરિણામ વખતે/ફરિયાદ પૂરતી (ડી) ઘણીવાર

૩. સંતાનની શાળાનો/ વર્ગ શિક્ષકનો ટેલિફોન નંબર આપની પાસે છે?
(એ) નથી (બી) કદાચ છે (સી) ડાયરીમાં છે (ડી) મોબાઇલમાં સેવ છે

૪. સંતાનના મિત્રવર્તુળની માહિતી/અંગત મિત્રોનાં માતા-પિતાની માહિતી
(એ) નથી (બી) થોડીક (સી) જરૂરિયાત પૂરતી (ડી) સંપૂર્ણ

૫. તેની છેલ્લી પરીક્ષાનું વિષયવાર પરિણામ/પસંદગી તેમજ નબળા વિષયોની જાણકારી...
(એ) ના (બી) થોડીક (સી) લગભગ (ડી) સંપૂર્ણ

૬. તેના મૂડ પરથી તેની તૈયારી/પરીક્ષાનું પરિણામ જાણી શકો?
(એ) ના (બી) કદાચ (સી) લગભગ (ડી) હા

૭. અજાણ્યા મિત્રોના ફોન સાંભળો છો? તેની ગેરહાજરીમાં તેની વસ્તુઓ ચકાસો છો?
(એ)ના (બી) ક્યારેક (સી) ઘણીવાર (ડી) હા

૮.સવારે વહેલા/ રાત્રે મોડેથી વાંચે ત્યારે તમારી હાજરી
(એ) શૂન્ય (બી) નહિવત્ (સી) ક્યારેક (ડી) સંપૂર્ણપણે

૯. તેનું ભાવિ સપનું/ તેનો ‘આદર્શ-રોલ મોડલ’ જાણો છો?
(એ) ના (બી) કદાચ (સી) લગભગ (ડી) હા

૧૦. તેના પ્રત્યે આપની ભૂમિકા
(એ) વાલીની (બી) માર્ગદર્શકની (સી) મિત્રની (ડી) જરૂરિયાત મુજબની

***

પ્રત્યેક (એ) જવાબના: (-૧) ગુણ
પ્રત્યેક (બી) જવાબના: ૦૨ ગુણ
પ્રત્યેક (સી) જવાબના: ૦૬ ગુણ
પ્રત્યેક (ડી) જવાબના: ૧૦ ગુણ

હવે તમામ પ્રશ્નોના જવાબોનાં ગુણોનો સરવાળો કરો અને જો તમારો સ્કોર...

૩૦થી ઓછો: માફ કરશો, આપ ‘બેદરકાર વાલી’ છો. 
૩૦થી ૫૦ની વચ્ચે: ‘જાગૃત વાલી’ બનવા મહેનતની જરૂર.
૫૦થી ૭૦ની વચ્ચે: ‘જાગૃત વાલી’ની નજીક
૭૦થી વધુ: અભિનંદન, આપ ‘જાગૃત વાલી’ છો







હળવી મજાક

• ‘બેબી બારમામાં આવી કે અમારું ‘બારમું’ થઇ ગયું!
• આ તો તેની પરીક્ષા છે, કે અમારા જેવા ‘વાલી’ની?

શ્રાવણના પ્રથમ સોમવારે શાળાને મળેલ ભેટ

     શ્રવણ માસના પ્રથમ સોમવારે શાળાના દરેક બાળકોને એક ફરાળી ચેવડો અને પારલે બિસ્કીટ વહેચવામાં આવેલ છે. વડોદરા શહેરના વતની શ્રી ખોડાભાઈ અંબાલાલ પટેલ (ગોરવા મો- ૯૮૯૮૮૫૧૦૭૪) તરફથી આ પ્રસાદી વહેચવામાં આવી હતી. તેમની સાથેની મુલાકાત બાદ તેમને શાળાને જયારે કોઈ આર્થિક મદદની જરૂર હોય ત્યારે જરૂરી મદદ કરવાની પણ તૈયારી બતાવી છે.
           શાળા પરિવાર તરફથી તેઓશ્રીને ખુબ ખુબ અભિનંદન. જીવનમાં ખુબ ખુબ પ્રગતિના પંથે આગળ વધે તેવી પ્રભુ પ્રાર્થના.

ગામ મુલાકાત

 ૩૦/૭/૨૦૧૧
                    શાળાથી ગામ ૨  કિમી દૂર આવેલું છે અને હવે શ્રાવણ માસની શરૂઆત થવાની છે. શાળાના બાળકોએ અમારી શાળાના પ્રવાસમંત્રી ધ્વારા અમારી સામે દેવ  દર્શને જવાની દરખાસ્ત મૂકી. અમારા આચાર્ય સાહેબે પ્રાર્થના સભામાં શ્રી ભોલેનાથના દર્શન કરવા અને ફાર્મની તથા ગામની મુલાકાત લેવા સોમવારે જવાની અનુમતિ આપી.
                    ધો-૩ થી ૭ ના બાળકોને લઇ જવાની જાહેરાત થઇ બાળકો ખુબ ખુશ થઇ ગયા.
૧/૮/૨૦૧૧
                  શ્રાવણ માસનો પ્રથમ સોમવાર.

                           સવારના ૯ કલાકે ધો-૩ થી ૭ બાળકો તથા તેમના વર્ગશિક્ષકો ગામમાં જવા માટે નીકળી પડ્યા.

             સૌ પ્રથમ બધા શિક્ષકો અને બાળકોએ ભગવાન ભોલેનાથના દર્શન કર્યા.
                થોડો સમય આરામ કર્યા બાદ ભજનની રમઝટ બોલાવી. પ્રસાદી લઇ મે લોકો ગામમાં ફરતા ફરતા રામબાઈમાતાના મંદિરે દર્શન કરવા નીકળ્યા.









 અહીં મંદિરની એક વાત ખુબ સરસ છે જલ્દીપભાઈએ બાળકોને તે વિશે વિસ્તૃત સમાજ પૂરી પાડી. આ મંદિર ગામની શ્રદ્ધા અને આસ્થાનુ પ્રતિક સમાન છે. ગામના દરેક વ્યક્તિ મુસ્કેલીના સમયે અહીં આવી "બકરો વધેરવાની બાધા" રાખતા.
                અને તેમની મનોકામના પૂર્ણ થતા તે વિધિ સહીત અહીં આવી એક નિર્દોષ પ્રાણીની બલી ચઢાવતા હતાં. સમયાંતરે શાળાના કાર્યક્રમોમાં નાટકો ધ્વારા તે ખોટું છે તે બતાવવામાં આવ્યું. ગામના લોકોએ ભેગા મળી આ પ્રથા દૂર કરી અને તે બાધા ના ખર્ચા જેટલી રકમ મંદિર માં ભેટ મૂકી દેવાનું શરુ કરવામાં આવ્યું.





                   ગામથી થોડા અંતરે માં મહીસાગરના કિનારે શ્રી અનિલભાઈ કાનેનું ફાર્મ હાઉસ આવેલ છે. બહુ જ સુંદર અને રમણીય ફાર્મમાં બધા બાળકોને લઇ અમે ગયા. જ્યાં સુંદર બાંધકામ વાળું મકાન તથા બાગ અને નૌકાવિહારની સુંદર સુવિધા છે.






      શાળાના બાધા બાળકોને વારાફરતી નૌકા વિહાર કરાવવામાં આવી. બાળકોને ખુબ મઝા આવી.

બધા બાળકો નૌકાની સુંદર સફર પૂર્ણ કરી ખુશખુશાલ દેખાતા હતાં.

  નૌકાવિહાર પૂર્ણ કરી થોડો સમય બધાએ ફોટા પડાવી પોતાના યાદગાર દિવસને વધુ યાદગાર બનાવ્યો.

મસ્તી તોફાન અને રમતો માં મસ્ત બાળકો

સાહેબ બહુ ભુખ લાગી છે એમ કહે તે પહેલા જ બધા બાળકોને નાસ્તો આપવામાં આવ્યો.

બધાએ નાસ્તાનો આનંદ માન્યો.

એક બીજાના હાથ પકડી પરત ફરતા બાળકો.

સત્યનારાયણ કથા 'નવા બેઠક સ્થાનનાં પ્રથમ દિન નિમિત્તે'

                  શાળાના રીનોવેશન માટે જુના જર્જરિત ઓરડા પાડીને તેની જગ્યાએ ખુબ જ અદ્યતન ઓરડા બનાવવાની કામગીરીના ભાગ રૂપે શાળાના થોડા ઓરડા પાડી દેવામાં આવ્યા. જેના માટે હવે બાળકોને બેસાડવા માટે શાળાની બાજુમાં આવેલ શ્રી રાયસંગકાકાના ઘરની બહાર બેઠક વ્યવસ્થા કરવામાં આવી. જેના પ્રથમ દિને શાળાના આચાર્ય તરફથી ત્યાં સત્યનારાયણ ભગવાનની કથા નું સુંદર આયોજન કરવામાં આવ્યું.



     બધા બાળકો અને શાળાના શિક્ષકગણ સાથે ગામમાંથી પધારેલ સૌએ કથાનું શ્રવણ કર્યું અને અંતમાં આરતી પ્રસાદ લઇ સૌ ફરી શિક્ષણ યજ્ઞમાં જોડાઈ ગયા.



               "જય શ્રી સત્યનારાયણ ભગવાન"

અમારી નવી શાળા

     




                      શાળાના જર્જરિત ઓરડા પાડી નાખવાની તૈયારી રૂપે શાળામાં જાહેર હરાજી કરવામાં આવી. હરાજી બાદ ઓરડા પાડવાની કામગીરી શરુ થઇ ગઈ. જુવો હવે અમારી શાળાની સ્થિતિ.....

શાળાના બધા ઓરડા પાડી જે ઘન કચરો નીકળે તે દૂર કરવાની કામગીરી શરુ કરવામાં આવી.

                   શાળા સમય બાદ અમારી શાળાના શિક્ષકો- ચંદુભાઈ, કાન્તીભાઈ અને જલદીપભાઈ હળવાશની પળોમાં મદદ કરતા નજરે પડે છે.









                                   હવે આમારી સામે એક મોટો પ્રશ્ન  હતો બાળકોને બેસાડવા ક્યાં?
       
               શાળાના આચાર્ય શ્રી રામસિંહ રૂપસિંહ સાહેબ ગામના સ્થાનિક હોવાથી ગામલોકોનો સંપર્ક કરી અમારી બેસવાની વ્યવસ્થા કરી.



             શાળાથી ૨૦૦ મીટરના અંતરે સ્વ. શંકરભાઈ રણછોડભાઈ પરમારના અત્યાધુનિક બાંધકામ વાળા મકાનો તૈયાર હતાં. અને શંકરભાઈના પુત્રોએ શાળાના બાળકોને બેસવાની મંજૂરી લેખિત સ્વરૂપે અમને આપી અને બનતી મદદ કરવાની તૈયારી બતાવી.








ધો  ૫ થી ૭ ના બાળકોને ત્યાં બેસાડવાનું નક્કી કરવામાં આવ્યું.
         આ જુઓ નવા સ્થાને ભણવા જતા અમારા ધો-૫ થી ૭ ના બાળકો.
       અહીં જુઓ અમારા નવા ત્રણ વર્ગો....

ધો-૫

 

ધો-૭

ધો-૬

                  અમારી શાળાની બાજુમાં શ્રી રાયસંગભાઈ રણછોડભાઈ પરમારનું ઘર આવેલું છે. જેમને પણ અમને બાળકો બેસાડવાની મંજૂરી આપી. તેથી અમે ત્યાં ધો-૧ અને ૨ બેસાડવાનું નક્કી કર્યું. જેના ભાગરૂપે નવા સ્થાનનું ઉદઘાટન કરતા શ્રી રાયસંગકાકા.









          રાયસંગ કાકાને ત્યાં શ્રીફળ અને પ્રસાદ વહેંચી અમે સૌએ પ્રાર્થના કરી ત્યારબાદ અમારો શિક્ષણ યજ્ઞ આગળ વધારવા સૌ શિક્ષણ કાર્યમાં જોડાઈ ગયા.

શાળાને મદદ કરવા બદલ બંને પરિવારને શાળા તરફથી ખુબ ખુબ અભિનંદન..